Murad Əlizadə, “Green factory” şirkətinin idarə heyətinin üzvü, Azərbaycan
Mən hər il “CaspianAgro” sərgisini ziyarət edirəm. Müxtəlif ölkələri təmsil edən yeni şirkətlərin iştirakı, eləcə də tədbirin məzmun baxımından səmərəli təşkili məni sevindirir. Bizim şirkət şirəli meyvələrin istehsalçısıdır. Bizim üçün beynəlxalq sərgini ziyarət marketinqin mühüm cəhətidir. İlk növbədə, bu tədbir yeni əlaqələr axtarmaq üçün platformadır. Hər istehsalçı ona lazım olan məlumatları almaq, bu sektorda öz peşəkar biliklərini artırmaq imkanı əldə edir. Burada yeni ideyalar da yaranır. Mən aqrar şirkətlər ilə maraqlı görüşlər keçirdim. Kataloq, broşura formasında böyük məlumat ehtiyatı ilə gedirəm. Bütün bu məlumatlar təkcə mənim üçün deyil, həm də menecer və həmkarlarım üçün zəruri ola bilər.
AZ
EN
RU
ZH
