Vladimir Pastuxov, “Walzmatic” (Rusiya) şirkətinin biznesin inkişafı üzrə meneceri
– “Walzmatic” şirkəti istixana kombinatları üçün xüsusi avadanlıqlar, yığım üçün araba, bitkilərə qulluq və istixanaların təmir üçün xidmət arabaları istehsal edir. “Caspian Agro 2018” sərgisində iştirakımız şirkət üçün yeni olan Azərbaycan bazarına daxil olmaq arzusu ilə bağlıdır. Hazırda bu ölkənin kənd təsərrüfatı sektoru olduqca fəal inkişaf edir.
Hələ bu ilin əvvəlində şirkətimizin nümayəndələri Azərbaycanda bir sıra istixana təsərrüfatlarını ziyarət edərək, bu bazarın gələcək perspektivindən əmin olublar. Beləliklə də, biz məhsul və xidmətlərimizi geniş auditoriyaya operativ və səmərəli şəkildə təqdim etmək üçün regionun əsas kənd təsərrüfatı sərgisində iştirak etmək qərarına gəldik.
Azərbaycanda yeni tərəfdaşlar və müştərilər tapmaq istəyirik. Biz istixana kombinatlarının təklif etdiyimiz avadanlıqlardan birbaşa istifadə edən müəssisələrin nümayəndələrini və istixana biznesinin investorlarını canlı dialoqa dəvət edirik. Onlar burada məhsullarımız ilə əyani şəkildə tanış ola və bütün zəruri məlumatları əldə edə bilərlər.
AZ
EN
RU
ZH
